Фотафакт. У мінскім гіпермаркеце заўважылі цэннікі ў расійскіх рублях
У вядомай сетцы мінскіх гіпермаркетаў «Гіпа» пакупнікі заўважылі цэннікі, надрукаваныя ў расейскіх рублях, піша BGmedia.
Пра гэта стала вядома дзякуючы беларускаму коміку Яўгену Буракевічу, які апублікаваў відэа з крамы ў сваім TikTok.
«Купіў толькі што памела ў «Гіпа», узважваў яго і крыху заблытаўся, у якіх гэта рублях мне выдала цэннік… Хто ведае, можа, былі якія навіны?», — жартуе Буракевіч у роліку, паказваючы на квіток, дзе валюта пазначана як RUB.
Беларусы па-рознаму адрэагавалі на навіну. Некаторыя абурыліся: як такое наагул магло адбыцца ў дзяржаўнай валюце краіны? Іншыя — паставіліся да інцыдэнту з гумарам:
«Гэта пранк для расейцаў ад «Гіпа»».
«Ужо і касы сюды перацягваюць з Расеі, поскудзі».
«Гэта ньюані».
У сетцы «Гіпа» сітуацыю пакуль публічна не каментавалі.
Читайте еще
Избранное